健身女子及健身男士學員感想-大量學員真實感想好評

大量學員真實感想好評

ANNA WONG

我好少打咁大篇野，但 Ricky Sir 真係值得一讃！我之前有玩 GYM，而且 join 咗連鎖 GYM d 教練被人呃，練傷自己腰都唔知，之後花咗幾年時間自己玩 GYM，毫無進步，浪費體力同時間，勁灰心！ Ricky Sir 係我見咁多教練之中真係一個真材實料既教練，同埋有 heart同關心學生，唔 HARD SELL，最緊要真係每次上堂都有好多“料”帶走，係真真正正可以學到野，學完番到去係可以自己練，我好慶幸遇到咁好既教練，香港地真係好難揾。

Ricky Sir 好有耐性咁揾出我問題所在，發現我原來條腰本身有問題，有d位唔可以亂練（而d連鎖 GYM 教練之前就咁係咁亂操我呢d危險動作！搞到腰傷咗！），Ricky Sir 指導下，短短練咗一個月，我條腰已經可以做到我之前做唔到既動作，有明顯進步！

個人有番希望！非常感謝 Ricky Sir！如果早d遇到你我就唔洗比d衰連鎖 Gym 教練呃行咗咁多冤枉路了！接下黎繼續拜託你既指教喇！ ^^

Eddie Chan

由細到大都唔鐘意運動，今年開始想改變一下生活，就試一試既心態，去搵健身教練⋯⋯自問都係麻煩，上網搵左好多間：邊到夠私人，夠乾淨，教練又要有水準 etc⋯⋯終於最後我選擇左 RY Fitness⋯⋯ 第一次上到去⋯⋯ 的確環境好，乾淨，而且私人度都好好⋯⋯

最後當然係教練方面：RICKY 我既健身教練，對於完全無任何運動底子既我⋯⋯佢都好細心同有耐性⋯⋯由飲食至動作各方面都慢慢教導同講解⋯⋯

最值得讚係：佢教堂時一D都唔 HEA……搾光哂你體力先放人……每次想早走既反而係我……而且每一堂佢都會 Follow up 返個情況……另外上堂時間亦都配合度高……依一點我個人十分喜歡……因為放工時間唔準時……RICKY 都會盡力滿足我要求…… Perfect ……！所以對我黎講。地方以至教練方面……都十分滿意……真心值得推介

Anthony Ng

不妨直說，我其實一直以來對於「健身」這個行業已十分心淡，之前我曾經試過好多有名無實的健身中心，由所謂的 YouTuber 介紹的到郭富成做代言人的，我也試到心灰意冷！但我實在忍不住讓自己的身材繼續走下坡，所以我抱著一個不成功便成仁的心情再去健身中心，但我今次選擇的卻是既沒有鋪天蓋地的宣傳，也沒有一系列你永遠用不到的自家禮券的健身中心，我反而相信一間只著重「健身訓練」的RY健身，而我選擇的教練是 Ricky！

起初，他十分認真了解我的身體狀況，因我先前在前一間的 YouTuber 健身中心訓練過度令右腿內側肌肉發炎，所以令我於日後的腳部訓練不能勉強，而我最敬佩瑞奇的是，他並沒有把我這右腿的情況忘記，反而是當我認為可以再增加訓練量時，他阻止我並提醒我，而我已經是上了2個月的課程！

再者，他所訓練的並不是只有我的肌肉量，更訓練了我的心情，不會只懂一味增加我的訓練強度，令我害怕好像以前每一次訓練完畢，都懼怕再上下一堂課，因為身體根本吃不消！上面所提的健身中心緊張的，只是每一個學員的結果，只希望做一個虛假的成績給大眾及學員注意，他們能夠令很多學員能在短時間內瘦身及肌肉增加，但完全忽略學員的身體！

我曾多次於 YouTube 用戶健身中心目睹多位學員是因訓練過度嘔吐及流淚，我明白有很多學員情況較嚴重，的確需要教練去嚴厲訓練，但我覺得為何RY健身能夠用別的方法達到同樣效果！如果是我，我會選擇更舒適的方法，因為我作為消費者是用大量金錢做健身及得到健康，並不是做軍訓做士兵！

Tracy Wong

Ricky 好有經驗，會就住你既體能去 plan training，令你在唔算好辛苦下向目標進發。原本，我以為運動好難，原來有方法會易好多。

Kei Fung Wong

感謝Ricky 的細心訓練知道我已做了脊椎側彎的手術在健身上有很多的困難佢都很有耐性同心機教我搵邊樣動作適合我力求完美的動作指導真心找一位教練很難今次都遇到了👍🏻

蘇蘇
有幸遇到 Ricky，解決了纏繞多年的大細邊和筋緊的問題。每次都用心講解和指導動作，對於我這種0運動細胞的人極之重要～！！真的沒想過筋咁硬都可以在短時間內鬆到～！！勁！！本身因嚴重大細邊問題對做GYM已開始灰心，但都被 Ricky 救到！！好 yeah!值得推介！

Money Wong

減肥前發覺自己胸口部份特別痛，禁就去醫生到檢查下，結果幸好不是心藏病，之後自己想想反省下不可以再繼續肥下去。

然後我認識Roy Lay 教練來訓練我，及自己有恆心每天去自己會所做一小時三十分鐘運動，當中都有放棄過，之後這位教練比佢張型到爆的相片給我看之後。

重恰信心，繼續下去，這位教練教我佷嚴謹及認真及比我很多飲食管理概念，我終於找對一位好教練，不經不覺自己身型有很大的改變及改善左胸口痛問題，來禁自己會嚴謹地繼續努力做運動，因健康是最重要的！

Kevin Lee

其實本身自己都有玩開 Gym 既，初頭進展都ok.不過跟住落去就進入左平台期，冇咩進展。直到有一次上網搵教練就見到 Ricky，之後跟佢學左一排，原來我之前有啲技術上既問題而令我停滯不前，Ricky 佢教我每個動作都會解釋俾我知點解，由淺入深。而家掌握左佢教既技術，令我明白做 Gym 唔係大力就可以，獲益良多。多謝你，Ricky^^

Ming Chan

本身自己係「超瘦底」，玩咗好耐健身D肌肉都冇乜增加，後來搵咗 Ricky Sir 教我，佢喺訓練動作上幫我改善咗好多，而且每次訓練都好到位。

問佢健身上嘅嘢，又全部答到我，最重要係佢會定期 Follow up 嗰進度，睇下之前編嘅訓練計劃啱唔啱我，雖然每次做 GYM 都好辛苦，又要食得多嘢，但現在睇到哩4個月嘅 Result，一切都喺得！Ricky Sir, Thx XD

Joe Chan

終於可以減到個肚腩了！短短2個月我由一個唔識玩健身的人，到現在身材改善之餘更學習到很多動作技巧！服務十分全面，設計運動計劃，安排營養師編寫飲食建議等，雖然過程十分辛苦，但有很多朋友都問我點減的，我便覺得一切都值得，thx 多謝 RY Fitness！

Sara Yu

一個完全無運動底子的我，剛巧在最想找出路的時候，就走入了RY Fitness。第一個感覺是舒服、乾淨、寧靜、完全沒有半點壓迫感，亦在這個時候，感恩給我遇上了一個非常用心的教練 Eric Chan。一個合格的健身教練會提供一個合適的Program，令學員達到所定的目標，但一個出色的健身教練，除了可以做到以上之外，更必須擁有一顆“心”去了解學員，包括身心靈的需要。十分感激Eric ~ 他一步一步帶我走出谷底，情緒慢慢好轉，身體亦慢慢強壯起來，多謝你的無限關心，令我學懂愛自己，亦同時愛上運動。

Jessica Lau

學員 Jessica Lau 在個人 BLOG 中，撰寫多個月的婚禮前減肥心路曆程

從2015年底到今年年尾五月初結婚，大約五個月的時間，嚴格減肥三個月，體重減了七kg。20多年來，減肥每次都是說說而已，沒有堅持，沒有科學的方法，甚至吃個減肥藥，也一直沒有成功過。這次，借着婚禮的動力，加上身邊有朋友健身減肥成功了，所以我也決心加入健身減肥的行列。在網上搜尋了很久，終於選擇了RY Fitness

了解更多…

WaiPan C

從來未搵過PT健身，但黎到呢到果然冇搵錯教練。本身自己有脊椎側彎問題，同係「瘦底」體質，靠自己練成果好唔顯著。好慶幸搵到Ricky sir, 佢好細心幫助我慢慢訓練，因為脊椎問題，唔可以操之過急，Ricky sir 會慢慢幫我搵出適合我既訓練方式，以免加重脊椎同腰椎既壓力。只係短短兩個月，已經見到身體體態既改變，本來上胸肌肉極弱（幾乎無），而家已經明顯地開始有增長，肌肉比以往結實同好睇左。 Ricky sir都有好好既鋪排，有針對性既訓練，去強化我既弱項（核心肌肉群，下背，上胸），而呢d都係我以往所忽視既地方。如果早d搵到Ricky sir就好啦，以往自己練既時間好似浪費左咁

J Chan

Best and convenient place for attending weight-training courses. Having been training here for nearly 1 year, I always feel that the tutor is enthusiastic of helping you to achieve your fitness goal with detailed training plan and diet advice. I recommend everyone to try RY Fitness to keep fit and maintain good health!

Joe the tang

教練專業又好傾，同佢地一齊做運動一啲都唔覺得悶，仲學到好多正確嘅健身技巧🤗⋯⋯💪🏽💪🏽

Phoebe Hung

第一次搵PT就遇 Roy sir,很欣賞佢對工作的熱忱與負責；由於對健身可以話一無所知，Roy sir 對每個動作都講解及示範得很仔細清楚，亦經常分享佢的健身心得，受益匪淺！真心值得推介

(健身女性)

Jennifer Poon

Ricky sir 細心幫每位顧客分析身體狀況，唔會單單只係教你點樣練好身形，仲會教你點樣放鬆成個人，教室設備好好，又舒服，岩哂我地啲女仔做，總之就very good 來緊都要繼續努力

(健身女子)

Oscar Ho

教練專業設備又好環境舒服乾淨，課程完全清楚自己訓既方法。 Ricky sir 仲好搞笑

Michelle Chiu

過去10年，經歷了無數的減肥方法,由起初的只須減5磅,到10磅到20磅到今次要減4X磅先可以回到標準體重⋯⋯減完又反彈,再減再反彈⋯⋯食代餐，泰國減肥藥，諾美婷(含西布曲明)，節食，各式瘦身餐(到現在還記得超過10個食譜T.T)⋯⋯起初減很容易，到現在減就越來越難⋯⋯看網上資料⋯⋯看書⋯⋯得出結論就是⋯⋯自己把肌肉都減掉了，所以不易瘦之餘，還經常很疲勞（因為新陳代謝和肌肉一起減掉了），還很容易水腫⋯⋯掉髮量增加⋯⋯肉也鬆鬆的（其實是脂肪）

怕了大型健身室的強迫推銷（普通文員一個，沒錢幾萬幾萬的，以百堂來計算的買課程）⋯⋯也看了 FACEBOOK 的評論和找了網上沒有負評於是就先上來試堂了~ RICKY 有幫我認真的測試完還有給了我好多的建議和說出了好多可以改善的地方⋯⋯（還有很震撼的體脂肪⋯⋯明明不覺得自己有這樣胖!!）

接著就到正式上堂了~STANLEY 在上堂時很留意我的動作有沒有錯，也沒有非常辛苦，完全是按照個人能力去要求完成訓練⋯⋯（我有膝痛，不可以亂做運動，STANLEY也會常常問我感覺如何）⋯⋯在堂後也很樂意分享飲食控制的方法（第一件事就是要我把代餐丟掉）⋯⋯不用捱餓了，而且也很配合的約上堂時間，盡量安排，就是滿了課也在比營業時間早的時間段特地回來～

時間也不是過了好久，正式開始大約就是2星期左右，在運動和飲食控制下，線條已經好了（還是同事說的,不只是我自己覺得哦～）⋯⋯另一個意外收獲是，皮膚好了，身上的皮膚變得滑了，OL久坐出現的橙皮脂肪也沒那麼明顯了（因為我一星期只夠時間上一堂，所以回家有照堂上教的自己重覆做運動哦^^）

沒想到的是⋯⋯我除了約時間之外都沒有打擾教練們啦～因為上堂說的都明白，而且運動心急不來，心想先打好身體的基礎比較好⋯⋯不過 RICKY 竟然主動連絡我問我課程上有沒跟不上和不懂的，有點小感動覺得自己選對了（大公司的健身會藉我也有，不過常見到的是教練遲到還有上堂玩手機，還不是一下半下哦⋯⋯）

健身沒有想像中的這樣痛苦和難開始，希望可以成為最後一次減肥過程，也期待努力成果～（超長篇，不過希望對想健康減肥的美女們有參考價值:P，奇怪的減肥藥吃得多傷身又易復胖啦⋯⋯）

(健身女性)

Sam Tse

Ricky 將你的力量發揮到極限，講解箇中道理，動作呀，發力位置呀，教你唔咪死做爛做。新手的我對好多謬誤都有所啟發，如果你經歷過其他老hea教練，你懂的

‎Waifung Tang

多謝 Ricky 介紹左 Stanley sir 幫我訓練
我特意多謝 Stanley 上堂時既用心同熱誠
短短十餘堂已經令我感覺到體能上既分別
非常多謝????

Fu Man Tim

教練好專業，識用好多方法令你明白每個動作正確既做法係點樣，好快就開始見到自己操練既成效！

Catherine Yeung

It is a really great experience with Ricky who is very professional and makes me feel comfort during the training. I have backache and after the training, it feels much better. I was worried about that weight training will worsen my case but it turns out opposite. Thank you Ricky

(健身女子)

Calvin Yeung

30年油浸都唔肥既我，擁有一身排骨既身形，從來無自信去海灘游水，夏天出街要著oversize… 3個月前把心一橫去改變自己，上網不停搵健身教練，誤打誤撞咁搵到Ricky就約左去試堂同度高磅重和測試脂肪比例等等…一開始還心大心細究竟我有無可能成功，Ricky 佢比左好多意見同改變方法比我，重立即幫我安排好訓練計劃。直到比錢個刻都仍然懷疑緊佢得唔得架，佢好明顯知道我既擔心，就講左個承諾！我就憑佢個承諾去踏出左我第一步！上堂時佢帶左好多專業知識比我，明白到每個動作都唔係死推爛推，死舉爛舉.. 訓練時會仔細講解每個動作既作用，動作既轉變可以練到點既肌肉。佢亦會係旁邊不斷提醒，因為動作稍微偏差就得不到好效果。休息時可以輕鬆吹水到埋牙就專業百倍！時間上亦控制得非常好，絕對唔會呃鐘只有自己攰到想快d完。由8月正式上堂到而家，當時只得118磅既我經過ricky安排既訓練同飲食意見，去到今日已經有125磅既體重，身體上既變化亦出現明顯改變，肌肉增大左同紮實左！連我太太都覺得利害，ricky佢千叮萬囑咁同我講要好好珍惜，得來不易，千其唔好比佢跌返落去！雖然距離訂立既目標重有好遠路，但我都好多謝佢係呢2個月既幫助同不斷記得”我要好大隻”！黎緊既日子要辛苦大家啦 (無記錯上剩得返10堂，收順少少得唔得架，好窮呀！）

Siu Nga Chan

其實一直都好想去學健身，曾經試過搵其他既私人教練，仲記得跟某位教練，佢第一堂就要我做引體，我真係一下做吾到，之後教我既所有動作都無解釋，如果我吾係識到ricky教練，我都吾知我所認識既動作都係有錯，姐係一直都係白練，雖然跟你學左短短三兩个月，但我覺得你果種對健身既熱情，令我上每一堂都好開心，仲有你既果種耐性，令我可以清楚每一个動作既作用，你係一个好有要求既教練，雖然我有時未必做到你既要求，但就係有你幫我定立既目標，我先可以對自己有要求，無咁容易放棄，你真係一个好有心機，好識關心學員既教練，希望你可以幫更多既人得到佢想要既效果，加油！

(健身減肥女)

LO FAI

對於健身初階者來說，workout 可能是會令人聯想到七勞八傷但又停滯不前的畫面，但其實接受了 Ricky 的訓練方式，會注意到他所教的鍛鍊動作都是有效和安全的，雖然辛苦但覺值得。當然未跟他的訓練初期也會有想放棄的時候，明顯有點不知所措，不明白重點及使用相對會受傷的方法去進行重量訓練，但自從跟 Ricky 上堂後已經改善了不少之前所跟的動作和姿勢，他不斷提點應注意的力量重心放在那裡，針對所鍛鍊的肌肉放鬆伸展有技巧地達到理想線條效果。另外，Ricky 亦會指導 TRX training 和 HIIT 給我加強肌肉耐力和熱量消耗，促使肌肉增長及平衡發展，免得容易受傷。他針對學生的需要，也了解學生的不足，每每深入淺出，令我獲益不少。

Annie Chan

Roy is a very good Personal trainer, thank you for his detail and professional training. For my first PT lesson today, he gave me a full body assessment as well as weight training and 3 months weight loss plan, diet + Cardio + weight training = weight loss and building muscle. I learn a lot today. Highly recommend.

Dias Chak

呢個場基本器械齊備，而且有專業教練指導，指出你嘅不足做改善，私隱度又夠高。如果你唔喜歡同一堆陌生人一齊做 gym 你眼望我眼，又或者想搵個私人教練做一對一嘅針對性訓練，呢到地方都係一個好選擇。

Thomas Tang

很感恩找到了 Ricky 的 RY Fitness ，地點方便，設施齊備，
我的教練阿Roy，很用心按我的情況和要求設計我的訓練。
以為平時有跑步，可以輕鬆應付，阿Roy 的訓練也可以很有挑戰，No pain No gain⋯⋯ 才可提昇自己的層次。很好的選擇

Rene Kwan

我一向都唔太 Enjoy 做運動，亦冇乜運動底子。但因為健康問題關係，終於下定決心找幫手。我好慶幸能找到 RY Fitness 的 Ricky 教練。記得初初上堂 Ricky 同我講我將會可以達到的目標，連我自己都唔相信我可以做到。但 Ricky 真系好專業同好有經驗，跟住佢 set 嘅 training programs 同飲食方面嘅分享，加上自己的努力，令我的身體在不知不覺間有所改善，同時亦意外地改善了寒背和膝痛的問題

(健身減肥女)

Rachel Kwok

教練比我自己更緊張我的體型，非常用心去設計我的訓練計劃，沒有奢華的裝潢故收費很合理，設備實用及足夠。性價比很高的健身中心

(健身減肥女)

Hoi Wong

由細到大都比較肥胖又小做運動，搵左好耐最後找了 RY Fitness 幫我完成目標
很高興可以遇到這間健身室，不是只顧叫學員買單，教練好有心教，
成日在生活上提點我，比左好多正面鼓勵支持我，令我學左好多野

Kangying Xiong

Ricky is very professional in the training class and would explain the ideas in training in easily understandable and humorous way. He’s attentive to your concerns too. Nice training with Ricky！

Edwin Wong

跟 Ricky 上左幾堂健身堂，佢用心指導我正確健身姿勢，糾正我之前錯誤方法，今我進步好多，亦令我對健身有更深了解，有別於一般大場健身教練，只顧跑數，唔會用心去教導學生

Agnes Lam

Ricky 係—個好關心學生既教練，會好留意學生既身體狀況；再配合適當既訓練；佢有好豐富運動及營養既知識，同時間佢亦都係好好既朋友；願意去聆聽你既需要及心事，所以 Ricky 感謝你對我既鼓勵及幫助。

Elsa Kwok

Ricky，多謝你的專業指導，由於我過往的種種原因，令致脊柱及腰部彎的幅度不少，但是你都不斷鼓勵及提供不同的鍛煉來幫助我的症狀，希望有你的專業帶領下令自己的身體有著最大的改善！

Elaine Cheung

我找 Ricky 處理寒背問題，肩膊僵硬情況有了改善，而及後更發現身體手腳因缺乏肌肉鍛鍊而出現不同痛症，而 Ricky 因應各痛症嚴重程度替我針對訓練，病情逐漸改善中。

Carrie Cheng

本人有肩頸疼痛，腰好易攰，腳又好緊，經過Ricky專業治療及肌肉訓練，現在各方面都好好多。Thank you so much !

Ellen Yiu

謝謝 Ricky，他會在訓練前問我哪個位置較不適，然後替我做針對性的訓練。肩胛位痛少了很多，手的肌肉也比從前結實。

Manyu MY

經過肌肉訓練和治療，手痛的問題好多了。之前的手疼痛厲害，手更沒力提東西，經數次處理後，已有明顯改善

Kay Wong

以前做 GYM 做左幾年都無乜效果感謝 Ricky sir 仔細糾正了錯誤的做 GYM 姿勢，肌肉量短時間內明顯增加了！

Ivan Mak

要了解自己個身體構造，先有助你去鍛鍊自己身體。Ricky佢就會令你明白依個道理。唔會死操爛操。努力

Fung Na

u r a very very gd trainer!! after ur lesson i learn alot n know more what happen m i ^^
thank you Ricky sir!

Andy Sin

搵左RICKY SIR幫我增肌之後,每一次都幫我操到最盡,而且問佢健身上既問題都解答得到幫到我,雖然只係岩岩開始左兩個月未有甘大成效,但係覺得RICKY SIR會出盡力用唔同姿勢幫我操,希望自己大隻到啦!

Ko Lee

一開始做gym以為好辛苦，點知同ricky溝通同上幾堂之後，都唔係想像中咁辛苦，多得師ricky既用心指道，我增磅既目標亦有顯著起息，佢好好玩，如果其他兄弟想增磅大隻，我一定會介紹俾佢，絕對唔會呃波鐘！！！

Kit Wong

ricky is very experienced in physical training. Also he is very care the need of the classmates

‎

YHang Fong‎

新人玩GYM無耐,
好多野唔識, 唔熟, 甚至有時會無方向

係網上誤打誤撞見到ricky post, 就試試聯絡佢
佢肯花時間私底下同有心健身既人分享心得,
會幫你搵番方向

希望有心健身既朋友可以一齊努力, 相信RICKY 都會幫到你

Onshan Ma

很好的健身公司設備齊全很好很貼心的教學冇得彈！

‎

Keith Wong

係就係幾專業的，教得都好全面，但有一樣唔好就係唔比人偷懶。多謝晒

Morrison Hill‎

教既野好有用呀, 原來自己平時做既動作好多都唔會有咩效果, 而加總算知點解啦. 多謝!

Vee Yeung

Join左Ricky既健身室上堂雖然只有幾個月，但效果好滿意，脂肪比例有持續下降，Ricky仲會提醒你飮食習慣，雖然自己無戒口，但身型都keep到，係一個非常專業既健身地方！

Chong Elaine

上年年頭開始上堂，可能之前上過其他，所以覺得好有比較。呢度嘅導師非常專業，佢會為每個學員設計唔同課程（因為我同個fd一齊上，所以知大家課程內容唔同）。最令我驚喜嘅係，我上年3月有咗BB,以為要暫停啦！點知教練立刻幫我改課程內容，令我可以提升產前運動量。生完之後都唔覺得自己肥咗好多!!同時因懷孕其間有做運動，身體唔會冇晒肌肉，所以，瘦身都瘦得快啲!呢間係我試過最好嘅一間

Loretta Chan

起初諗住減肥，所以搵RY Fitness幫手。跟咗Ricky一段時間，唔單只成功減肥，仲練咗一身肌肉。整個過程，竟然係唔辛苦，上堂仲好開心添。原來用正確方法健身對於減脂增肌係噤重要嘅。都係要多謝Ricky嘅悉心指導同鼓勵。

RY Fitness環境整潔，設備齊全，私隱度高，令我可以全冇顧慮專心噤跟Ricky健身。大讚!

Alessa Lau

Ricky, thank you so much from the bottom of my heart！！！一直明白改善腰脊問題係需要時間同針對性既拉伸運動，雖然只係上左幾堂，但我發現問題已經有所舒緩，咁快既進度係我當初始料未及既，另外由淺到深、強到弱訓練，你都有根據我既體質配合，令我呢戈運動天資平庸既人都handle到^_^同埋你好會搞上堂氣氛，我向來係戈唔鐘意郁、怕悶既人，都覺得上你堂十分愉快，冇諗過自己運動都可以咁開心：）

Jacky Chan

教練好有經驗，指導我做負重訓練時又會特別注意安全，減低受傷風險。我係渠慨定期指導下，我下肢力量明顯地提升，肌肉粗壯左好多，多謝Ricky細心指導！

Connie S

Been there for PT for about two months. Size wise it is not too big. However, it has the necessary equipment to give you a good personal training. Have learned much about proper form and variation. Its fee package is also affordable. I enjoy the training there.

Edith Poon

It’s a very convenient location. PT Ricky is a very experienced trainer. Targeted training and effective. Gym is small, private and cozy, full equipped. Perfect for personal training. Pricing is really reasonable, highly recommended!

Charlie Liu

Nice gym with great Personal Trainers! Thank you Roy for supporting me through out my work out journey!

JK Chan

Ricky 教練好有經驗，指導我做負重訓練時又會特別注意安全，減低受傷風險。我係佢嘅定期指導下，我下肢力量明顯地提升，肌肉粗壯左好多，多謝Ricky 細心指導！

Theresa Tong

Great work out! Really happy with the progress so far. Ricky has been super patient, knowledgeable and encouraging, tailor made the training to my needs, and pushed me to achieve goals! Quiet environment and no hard selling ????

Ed Mon

My friend recommended me to try RY’s trial session and their PT is very professional. I do recommend RY fitness to anyone who’s planning to workout in a more systematic and speedy way.

Teri Sa

Ck Chan

Ricky 教練好有經驗，指導我做負重訓練時又會特別注意安全，減低受傷風險。我係佢嘅定期指導下，我下肢力量明顯地提升，肌肉粗壯左好多，多謝Ricky 細心指導！[後記] 健身最大嘅成功感莫過於身型嘅改變，睇到身體啲線條出左黎，下肢明顯大隻左好多， skinny fit 嘅褲已經全部唔著得, Ricky 你係得嘅XD

Brandon Chen

自己一直都有玩開健身，今次想比個挑戰自己，我想參加健美比賽，人生總想漂亮一次！訓練技巧突破，賽前準備，飲食等等每一項都十分重要，為了增加有關知識，我必須找十分專業的師傅幫手，比較多間健身室後的教練後，最後找了這間！健美比賽今次備賽18個月，需要準備的有很多，不同階段的訓練計劃及飲食計劃，指定比賽動作練習，自選動作練習，比賽服/自選音樂/黑鬼油的選擇等等，好感激教練真係幫了我很多很多。這段日子堅持一星期訓練6天（3天上課），老實說十分辛苦，但起碼可以知道自己可以去到幾遠。十分感激教練背後一直支持我，幫我伸展放鬆肌肉，出賽時陪到我最後一刻（教練仲緊張過我），今次雖然成績不理想，但我已經好開心，心滿意足，落台時差一點哭了出來，感激！

喬建中

定期檢查時發現有三高問題，醫生建議我定期做運動，我馬上網上尋找教練幫忙，立心改善健康問題。由於有三高問題，教練比較注重我的飲食，給了我好多飲食的建議，初次接觸重訓，感覺上很複雜，幸好教練好細心指導，慢慢加入帶氧運運，不知不覺運動強度加大了，而身體慢慢強壯起來，身材改變了，下次身體檢查是成績應該不錯吧!多謝教練